Martxoaren 12an, Alondegian, 18:30ean, gurekin izango ditugu Berriako Irene Arrarats, Goiena komunikazio-taldeko Iban Arantzabal eta Guka-Zumaiako Gorka Zabaleta, puri-purian dagoen gai baten gainean hitz egiteko: itzulpengintza automatikoa eta euskal hedabideak, edo beste era batera esanda, zenbait aurrerabidek nola edo zenbateraino eragingo duten hedabideetan, onerako eta txarrerako, zer arrisku eta zer aukera dakartzaten.
