Imanol Urbieta musikari zarauztarrak 1983an ireki zuen Donostiako Xirula Mirula musika eskola. Aurten itxi dute, haren oinordeko Joxean Urbietak erretiroa hartu ondoren. Imanolekin batera zein haren heriotzaren ostean, proiektuaren arima izan dira Kontxi Aizarna –Imanolen bikotekidea zena–, eta Joxean –semea–, eta haien esanetan, Xirula Mirula une oro saiatu da "momentuko beharrei erantzuten". Aitortu dute itxierarekin, hein batean, "lasai" daudela, Xirula Mirulako materiala "zabalduta" dagoelako.

Ander Hormazurik gidatzen du ZumaienArte proiektua. Aurten ere pintura tailerrak eskainiko ditu herritarrentzat. Datorren astelehenean, irailaren 21ean, irekiko dute matrikulatzeko epea.