Narrondotik Arroagoira doan bidegorri zatia erabilgarri dago jada. Arroagoia eta Iraeta lotuko dituen azken zatia falta da Zumaia eta Zumarraga arteko bidegorriaren 47 kilometroko ibilbidea osatzeko. Datozen asteetan hasiko dituzte azken zati horretako lanak. 

Eremu horretan haurrentzat, gazteentzat eta helduentzat erabilera anitzeko espazio modernoa eta jasangarria egingo dute. Hainbat gune egingo dituzte 5.322 metro koadroko espazioan: jolas naturalen eremua, estalitako parkea, piknikerako mahaien gunea, belardi zabala, euri lorategia, oinezkoentzako eta bizikletentzako bideak eta atseden hartzeko guneak. Lanak martxorako bukatzea aurreikusten du udalak.