Albistegia

Argi Yeregi Hirigintza zinegotziak azaldu du 122 etxebizitzetako bizilagunen irisgarritasuna erraztuko duela igogailuak. Pakita Mendiola bizilagunak aitortu du "gogotsu" zirela igogailua martxan jartzeko. Atzo estreinatu zuen. 

Ikusleek koreografia aurrez ikasi eta emanaldian Astinduko kideekin batera dantzatzeko aukera izan dezaten, ondorengo bideoa zabaldu dute dantza taldekoek. 18:00etako saiorako sarrerak agortu dira; 20:00etakoak salgai daude oraindik ere.

Freida McFaddenen eleberriaren egokitzapena da. Astelehenera artean, egunero ikusi ahal izango da Aita Marin, 19:30ean.

80ko hamarkadan murgilduko da Astindu dantza taldea haren ikuskizun handian. Urtarrilaren 24an eskainiko dituzte bi saio Zumaian, Aitzurin.

Dermatosi nodular kutsakorraren aurka 42.500 abelburu txertatzea aurreikusi dute, eta aurrenekoak gaur eguerdian txertatu dituzte Aiako testaje zentroan. Izan ere, gaur sartu da indarrean nahitaezko txertaketa ezartzen duen foru agindua, eta horri buruzko azalpenak eman ditu prentsaurrean Xabier Arruti Lurralde Oreka Berdeko diputatuak. 

Gabonek opariak jaso eta egiteko ohitura zabala da. Eskualdeko etxeetara Olentzero, Errege Magoak, Bizar Zuri edo lagun ezkutuak iritsi daitezke: Baina poltsikoari begiratzeko unea ere izaten da; orokorrean, gastu ekonomiko handiak egiten dira eta data hauetan.

Goizean aurkitu dute Iñaki Olazabalen omenez egin eta azaroaren amaieratik desagertuta zegoen eskultura, errioan. Olarrusubeko kideek Arranpla ingurura eraman dute eguerdian, eta bazkalondoren, itsasgorarekin, uretatik atera dute. 

Erritual zaharrei eutsi edota berriak sortzeko balio dezakete Gabonak. Batzuei asko eta besteei oso gutxi gustatzen zaizkien ospakizunak izaten dira. Baina familia ereduak aldatzearekin batera, Gabonak ospatzeko ereduak ere anitzak izan daitezke.

Gabonak bizitzeko hamaika modu daude, eta batzuei asko eta besteei oso gutxi gustatzen zaizkien festak dira. Jan-edanaren kulturari lotutako jaiak dira, eta ohikoa baino jateko gehiago saltzen da saltokietan. Batzuek aurrez erosten dituzte elikagaiak, besteek azken unean. Eskualdeko bizilagunek gabonetako otorduetarako dituzten ohiturak ezagutzeko asmoz kalera atera da Guka Eguberrien atarian.

Datuek diote azken zortzi urteotan %30etik gora hazi direla Urola Kostako herritarren eta familien batez besteko errentak. Baina zenbat garestitu da bizimodua? Zailtasunik izaten al dute hilaren bukaerara iristeko? Lehen baino gehiago edo gutxiago? Guka kalera atera da herritarrei galdetzera.  

Egungo sindikalismo ereduarekin ados ez dauden hainbat nekazarik eta abeltzainek sortu dute Baserritar Bilgunea sindikatua. Herriz herri aurkezpenak egiten ari dira, eta astelehen arratsaldean Zarauzko Merkatu Plazan izan ziren.

Zumaiako Udal Musika Bandak eta Maria Zubimendi akordeoilariak kontzertu berezia eskainiko dute Santa Zezilia eguna ospatzeko; bihar izango da saioa, 19:00etan hasita, Zumaiena ikastetxean.

Gaur egungo gazteek ez zuten bizi izan Francoren diktadura, baina zer dakite aldi hari buruz? Herritar hainbaten iritziak jaso ditu Gukak, datuek diotenez, gizartean eskuin muturreko ideiek gora egin duten honetan.

Giro onean ospatu dute gaur Arroabean Artisauen eta Baserritarren Azoka. Eguraldia lagun dutela, Arroako, baina baita inguruko herrietako pertsona ugari bertaratu da. Artisauak lanean ikusteko aukera izan dute, baita era guztietako produktuak erosteko ere.

Bihar arratsaldean uretaratuko dute Pasaian (Gipuzkoa) XVI. mendeko baleontziaren erreplika. Esku askok zizelkatu dute, buru askok pentsatu, eta beste horrenbeste eztarrik balioan jarri gure itsas ondarea. Hiru ekintza horietan egon dira Urola Kostako herritarrak ere, eta haietako batzuekin izan da Guka Telebista aste honen hasieran: Esteban Gozategi eta Eider Arruti oriotarrekin, Iosu Salegi azpeitiarrarekin, Xabier Alberdi zarauztarrarekin eta Jon Maia zumaiarrarekin.

1975eko azaroaren 20an eman zuen Arias Navarro orduko Espainiako presidenteak Franco diktadorea hil zela zioen berria. Herritarren artean poza eta esperantza sortu zituen telebistan emandako mezu labur hark. Eskualdeko herritar hainbatek egun hura nola oroitzen duten jaso du Gukak.

Eros eta Afroditaren aitortzak musikala aurkeztuko dute urriaren 24an Aita Mari aretoan. Andoni Mutiloa eta Esti Curiel dira antzezlaneko protagonistak.

Duela 40 urte Itziarko Agustin Uranga Billabier-ek Arrobean ezarri zuen marka hobetzeko erronkari heldu zioten atzo lau kirolarik, Txikitasunean Handi egunean. Errekorra hausteko, 75 plaza egin behar zituzten, eta Andoni Zubiaurre Gorixo Zumaiako bizilagunak aho bete hortz utzi zituen arroarrak: 102 plaza egin zituen. 

Zumaiako Mugimendu Feministak Palestinaren askatasunaren alde deitu duen manifestazioak arrakasta izan du. "Ibaitik itsasora" Palestinak libre izan behar duela aldarrikatu zuten atzo arratsaldean ehunka herritarrek, eta Israelen politika kolonialista eta genozida gaitzetsi dituzte aho batez.

Guka Telebistak gaur gauean estreinatuko du Dabilen harriari saioaren bigarren denboraldia, eta datozen hamar asteetan, asteartero, 22:00etan, atal berri bat izango da ikusgai. 

Nerea Urteaga eta Ruben Ruzafa izan dira proba luzeko azkarrenak. Proba motzean, berriz, Mikel Goikoetxea eta Jule Olaizola izan dira lehenak helmugaratzen. 

Atzo arratsaldez zabaldu zuten Komentua Kulturgunea, eraberritze lanen lehen fasea amaitu eta gero. Ekitaldian jaso zena bildu du Gukak honako bideoan. 

Zumaiako Taosa igeriketa taldeak ekin dio denboraldi berriari. 55 haur hasi dira klubarekin prestatzen, eta Lubakiko igerilekuan egingo dituzte entrenamenduak. 

Olagarro pintxoen bueltan elkartu dira herritar eta bisitari gehienak, baina batel estropadek eta haurrentzako eskulanek ere piztu dute ikusmina. Aurten, olagarro zoparen ordez olagarroa patatekin dastatzeko aukera izan dute herritarrek, eta 13:00etarako gisatu guzti-guztia agortuta zegoen. Olagarro Egunak utzitako irudiekin eta adierazpenekin osatutako bideoa da hau. 

Zumaiako Olarrusub urpekaritza elkarteko kideek Getariako itsas hondoan aurkitutako arrantza sarea atera zuen herenegun Guardia Zibilak. Ateratzearen irudiak ikus daitezke honako bideoan. 

Harrera egin zioten atzo Janire Gonzalez-Etxabarri surflari zumaiarrari bere jaioterrian. Arratsalde partean Kofradian egindako omenaldi ekitaldia jaso du Gukak honako bideoan. 

Euskal Herriko Pentsiodunen Mugimenduak aurkeztutako pentsioak osatzeko ekinaldi legegilearen kontra egin du Eusko Jaurlaritzak. Desadostasuna azaltzeko mobilizazioak deitu dituzte pentsiodunek: irailaren 15ean, astelehenean, 12:00etan elkarretaratzeak egingo dituzte Zarautzen, Zestoan eta Zumaian, eta irailaren 20an, Donostian egingo duten manifestaziora joatera deitu dute.

Mikel Arrasate eta Ainhoa Murua izan ziren garaile atzo arratsaldean jokatuko proban. Guztira, 400 triatletek hartu zuten parte, non beroak asko baldintzatu zuen.