Larunbatetik igandera bitarteko gauean izan zen erasoa, adin txikiko emakumea etxera bidean zihoala. Erasoa jasan zuen emakumeak salaketa jarri zuen igandean Zarauzko komisarian, eta abian da ikerketa. Zumaiako Mugimendu Feministak  bere haserrea adierazi du, eta eraso matxista gaitzesteko manifestazioa deitu du ostiral arratsalderako.

Abenduan epaitu eta ekainean absolbitu zituzten Zestoako sei bizilagunei 30.000 eurotik gorako gastu judizialak ordaintzen laguntzeko eta elkartasun feministaren garaipena ospatzeko eta aldarrikatzeko jaialdiari babesa agertu dio Zumaiako Mugimendu Feministak. Gogoratu du jaialdirako sarrerak Emakumeon Etxean daudela salgai.