Zumaiako Mugimendu Feministak deituta, hainbat herritar elkartu dira gaur arratsaldean Saregile plazan, pasa den astean Basaurin (Bizkaia) jazotako hilketa matxista gogor salatzeko asmoz. Matxismoak hiltzen gaitu, aski da! lelopean, herritar ugari elkartu da plazan, 15 minutuko kontzentrazio isila egiteko.
Aurreko asteazkenean emakume bat hilda aurkitu zuten Bizkaiko herrian, eta poliziak emakumearen bikotekidea atxilotu zuen ostiralean Bilbon, indarkeriazko hilketa egotzita. Aurten Euskal Herrian erregistratutako bigarren hilketa matxista izan da Basaurikoa.