Indamendi mendi bazkunak ikasturteko lehenengo irteera antolatu du larunbat honetarako. Arabako Toloño mendilerrora egingo dute txangoa, eta besteak beste, Peñalta tontorra igoko dute.

Hazten jarraitzen du Sasoi On proiektuak. Duela bost urte Zumaian martxan jarri zuten gimnasioak bigarren gunea ireki berri du herrian, azken urteotan izandako hazkundeari eta erabiltzaileen beharrei erantzuteko. Hemendik aurrera, bi espaziotan banatuko dute eskaintza: bata entrenamendu dinamikoagoetara bideratua, eta bestea indarra modu gidatuago eta seguruagoan landu nahi dutenentzat.