Zumaiako Triatloi Taldeko kideek urteko batzarra egingo dute ostiralean. Horren aurretik, taldean hasiberri direnekin bilera egingo dute.
Hitzordu nagusia irailean izaten den arren, aurretik ere hainbat lan izaten dira. Fitxen kudeaketa, diru laguntzak, babesleak, erropak, igeriketa ikastaroak, Getaria eta Zarautzekin elkarlana... Gai ugari landuko dira ostiraleko batzarrean.
Ideia berriek ateak zabalik izango dituzte, eta triatloian lehen pausoak eman nahi dutenak ere lasai azal daitezke Aitzuri pilotalekura. Honakoa izango da ostiraleko ordutegia:
- 19:00. Hasiberriekin bilera.
- 19:30. ZTTren urteko batzarra.
ZTT kirolarekin hazi, hezi eta gozatu!