Lubaki kiroldegiko gimnasioko zortzi areto bizikleta berritzeko lizitazio prozesua jarri du martxan Zumaiako Udalak. Erakundeak zehaztu duenez, herritarrei kirol instalazioetan zerbitzu hobea eskaintzen jarraitzeko eta ekipamendua eguneratzeko xedez hartu dute prozesua abiatzeko erabakia.
Bizikleta horiek alokairuan kontratatuko ditu udalak lau urterako, eta kontratuaren barruan sartuko dute horien instalazioa nahiz mantentze lanak. Gimnasioko ekipamendua egoera onean mantendu eta erabiltzaileen beharrei erantzun nahi diela zehaztu du udalak.