Zumaiako Udalak gogor salatu du Basauriko (Bizkaia) hilketa matxista, eta Mugimendu Feministak gaur 19:00etan Saregile plazan deitutako elkarretaratzearekin bat egin du. Halaber, elkartasun osoa adierazi die hildakoaren familia eta gertukoei, izan ere, Euskal Herrian aurten eraildako bigarren emakumea da biktima.
Gainera, udalak argi utzi du ez duela "giza eskubideen urraketarik" onartzen, "ez Zumaian eta ez beste inon ere". Egoera horren aurrean, herritar guztien inplikazioa beharrezkoa dela aldarrikatu du, indarkeria ororen aurrean "jarrera aktiboan jokatuz".
