Aire zabalean, kiroldegian edo gimnasioan, gero eta gehiago dira kirol jardueraren bat egiteko ohitura duten herritarrak. Urola Kostako herrietako udal kirol zerbitzuetan ere igarri dute joera hori. Gimnasioak zein ikastaroak beteta dituzte, esaterako, Zarautzen eta Azpeitian, eta indarra lantzeko jarduerak dira gaur egun puri-purian daudenak. Datuetatik abiatuta, ohitura eta joera berrien arrazoiak izan daitezkeenak aletu dituzte bi herrietako kirol zerbitzuetako arduradunek. Azaroko Guka aldizkarietan argitaratutako erreportajea da honakoa.