Hilerokoa desagertzeko modurik egongo balitz, zenbat pertsonak ezabatuko lukete beren bizitzatik? Ukaezina da hilerokoak konnotazio negatiboa izan duela eta duela, eta isiltasuna dela gai hori inguratzen duen errealitatea. Gero eta gehiago dira, ordea, bizitzaren seinale den odol jario horretaz hitz egin egin behar dela aldarrikatzen dutenak, tabua zena ahalduntzeko erreminta gisa baliatu nahi dutenak. Bide hori jorratzen ari dira Aiora Olaizola eta Jaione Gisasola hezitzaile menstrualak, eta Nagore Aizbitartek bere esperientzia kontatu du.