Joera handia daukagu saltoki handietan erosteko. Zergatik dira hain erakargarriak?Horregatik dira, hain zuzen, saltoki handiak, lokal handiak, argiztapen handikoak, gauzak erakargarriago bihurtzen dituen marketin-ekipo handia dutenak; kartel asko, eskaintza asko eta aukera asko, eta jendeak, askotan, eskaintza eta beherapena zertan datzan erreparatu gabe, bi aldiz pentsatu gabe erosiko ditugu.
Internet bidez ere gero eta gehiago erosten dugu. Zergatik? Zer abantaila du horrek herriko dendan erostearekin alderatuta?
Nire kasuan, herrian gehiago erosten saiatzen naiz; badirudi erosoagoa dela Interneten erostea, etxetik mugitzen ez zarelako, ikusten duzulako eta askotan eskatzen duzulako itzulketak ere errazten dizkizutelako. Ez nago ados, uste baitut herrian erosteak askoz erraztasun gehiago ematen dizkizula, produktua ikusi, produktua ukitu, probatu ere egin dezakezu, beste gertutasun bat duzu herriko jendearekin... niretzat askoz errazagoa eta erosoagoa da. Gaur egun ere denbora justuarekin lan egiten duzu, herrian edo inguruko herriren batean niretzat erostea hiriburura hurbiltzea baino askoz erosoagoa da eta beno askotan saltoki handietan ez dago produktu onik ere.
Indargunerik edo bereizgarririk ba al du herriko merkataritzak saltoki handien edo online salmentaren aldean?
Nire ustez, herriko dendak, hain zuzen ere, babesik gabe daude, ez dute laguntza askorik, eta internet bidezko erosketak erraztean jendea internet bidez erostera animatzen da, eta herriko dendak geratu eta itxi egiten dira, eta askok ez dute bi urte ere irauten.
Zure iritziz, herrietako merkataritza beharrezkoa al da? Zergatik? Zer ekarpen egiten dio herriari?
Jakina, herriari bizia ematen dio eta dirua herrian mugiarazten du, eta dendarik ez duten auzo mugakideetako jendea Oikia, Arroa edo Iraeta izan daiteke, jendea Zumaiara etortzen da eta erosi ahal du, hemen uzten da dirua eta dirua herrian gastatzen da, herrian kontsumitzen bada, diruak dirua sortzen du.
Zer egin daiteke herriko merkataritza indartzeko saltoki handien eta online salmentaren aurrean? Zer botatzen duzue faltan, zer hobetu beharko litzateke?Eusko Jaurlaritzaren eta herriko udalaren laguntzak ari dira azken aldian bonuak ateratzen, bai Eusko Jaurlaritzatik, bai udaletik, eta ikusten da funtzionatzen duela. Jendea erostera animatzen da, horrek bultzatzen zaitu Zumaiako establezimenduetan sartzera, jabeak ezagutzera, produktua eta denda ezagutzera, eta beste tratu mota bat ematen dizu. Azkenean, erraztasun gehiago faltan botatzen dut saltokiak irekitzeko. Nik uste dut, printzipioz, ekintzaileentzako laguntza gehiago daudela Zumaian saltokiak irekitzera animatzeko, hutsik dauden lokal pila bat ditugulako, erretiroa hartu duen jendeagatik. Nik uste dut Zumaian lokalak soberan daudela saltoki mota askotarako. Kiroleko denda gutxi daude, ez dago, gauza asko falta da Zumaian, orduan jendea beste herri batzuetara irteten da, hiriburuetara, barietate handiagoa dagoela uste dutelako. Baina gero ez dute ezer aurkitzen kanpoan, baina gauza da kanpora ateratzea edo Internet bidez erostea, nahiz eta hasieran merkeagoak izan, baina luzera begira garestiak dira, askotan produktu horiek ez dutelako irauten, kalitate eskasekoak direlako.