Antxeta mokogorriak ez du mokoa bakarrik gorria, baita hankak ere. Kaioen artean gurean gehien ikusten den espeziea izango da, kaio hankahoriarekin batera. Baina azken horrekin alderatuz, askoz txikiagoa da antxeta mokogorria. Arrek eta emeek ez dute desberdintasun handirik. Leku hezeak maite dituzte, eta kostan ez ezik, barrualdeko edozein aintziratan, erreka bazterretan edo urtegitan ikusi daitezke. Itsas hegaztia izanik, bere elikadura arrain txikietan oinarritzen da, baina edozer motatako janaria ere bila dezake, hala nola intsektuak, ugaztun txikiak, baita gizakion zaborrak ere. Udaberri aldera, kumaketa garaian, animalia horien buru osoak marroi kolorea hartzen du, eta mokoa ere nabarmen iluntzen zaio.
Antxeta mokogorriak beste izen batzuk ere baditu: kaio txiki, txirlet... Esan bezela, burua iluntzen hazten zaienean migratzeko ordua iristen zaie, eta iparralderantz jotzen dute. Joan eta bizpahiru hilabetera, berriro bueltan ikusiko ditugu, negu guztia gurekin igarotzeko asmoz.
Kumatzen ikusten degun argazkia Okzitaziako Le Teich (Frantzia) udalerrian aterata dago.
Luzera eta hego zabalera:
34-37 zentimetro eta 100-110 zentimetro.