Zozketaren oinarriak

Honako oinarri hauek Urolako Komunikazio Taldeak (UKT) - Gukak antolaturiko Irabazi globo aerostatikoan bidaia bat zozketarako baliagarriak dira: 

• Martxoaren 9tik apirilaren 9ra bitartean bazkide egiten direnek parte hartu ahalko dute zozketan. Zozketan 8 plaza bikoitz zozkatuko dira bazkide berrien artean. 
• Bazkide egiteko, Guka webguneetako bazkidetza orrialdean dagoen formularioa bete beharko dute, eta behin Gukara erregistroa iristean, zozketa barruan egongo dira. 
• Zozketa apirilaren 9an egingo da, eta Gukak apirilaren 10ean jakinaraziko ditu irabazleak. 
• Zortzi saritu egongo dira denera eta ondorengoa irabaziko dute: bi lagunentzako globo aerostatikoan bidaia, Cuzcurrita del Rio Tironen, Errioxan. 
• Iruzur gisa hartuko da pertsona berak bi aldiz parte hartzea edo identitatea faltsutzea. Iruzurra egiten duten kideak jokotik kanporatuko dira eta parte hartzea galaraziko zaie. 
• Formularioa osorik betetzen ez duten parte hartzaileak edo bazkidetza datuak zuzen ematen ez dituztenak ez dira onartuak izango. 
• Irabazitako saria ez da diruz edo beste sari mota batez ordezkatuko. 
• Irabazlearen izen-abizenak Gukaren atari digitaletan albiste batean argitaratuko dira. 
• Sarien erabilera egiteko ezaugarriak honako hauek dira:   
  • Irabazle bakoitzari bonu bat helaraziko zaio eta urtebeteko epea izango du honek. Bonuaren iraupena 2027/04/10ra artekoa izango da.  
  • Irabazleak, Globos Arcoírisekin jarri beharko du harremanetan ekintzaren eguna zehazteko.  
  • Ekintza bertan behera geldi daiteke kasu hauetan:
    • 3-4 eguneko epean jakinaraziko du enpresak ekintza egingarria izango den edo ez; eguraldiak iragarpen txarra izango balu, ekintza bertan behera geratu eta egunez aldatzeko eskumena edukiko du Globos Arcoírisek.  
    • Globoak hegan egiteko, gutxienez 6 pertsonak egon beharko dute izena emanda egun eta ordu horretan, hori ezean, eguna aldatuko luke Globos Arcoírisek.  
• Urolako Komunikazio Taldea Koop. Elkartea helbide elektroniko bidez edo telefono bidez jarriko da irabazlearekin harremanetan. Komunikazio horretan jasoko du irabazleak saria eskuratzeko prozeduraren inguruko informazioa. 
• Urolako Komunikazio Taldea Koop. Elkarteak proposaturiko zozketan ezingo dute bertako langileek parte hartu. 
• Datu Pertsonalak Babesteko Arautegia betez, interesdunei jakinarazi nahi zaie zozketa horren bitartez edo beste baliabideren baten bitartez emandako datu pertsonalak Urolako Komunikazio Taldea Koop. Elkartearen tratamendu sistemetan jasoko direla, horixe baita tratamenduaren erantzulea. Hala, zozketa kudeatzeko eta zure interesekoa izan daitekeen informazio komertziala helarazteko erabiliko dira. Sariduna izanez gero, zure irudia eta identifikazio datuak argitaratu egingo dira. Saria modu zuzenean kudeatzeko zure datuak bidaiaren kudeaketan parte hartuko duten kolaboratzaileei komunikatuak izan daitezke. Zure eskubideak (sarbidea, zuzenketa, ezabapena, aurkaritza, mugaketa eta abar) erabiltzeko Urolako Komunikazio Taldea Koop. Elkartera jo dezakezu: Soreasu z/g, 20730 Azpeitia (Gipuzkoa); 943 81 38 41 telefonora; edo administrazioa@ukt.eus helbidera. Eskariari emandako erabakiarekin ados ez bazaude edo erreklamazio bat jarri nahi baduzu, kontrol aginte eskudunera jo dezake, kasu honetan, Datuak Babesteko Bulegora (www.aepd.es). Informazio zehatzagoa eskuratu nahi baldin baduzu, ikusi gure pribatutasun politika osoa hemen. 
• Gukak proposaturiko zozketan parte hartzeak berarekin dakar oinarriak eta baldintzak onartzea. 
• Urolako Komunikazio Taldea Koop. Elkarteak parte hartzea eragozteko eskumena izango du, baldin eta zozketaren izaera eta baldintzak betetzen ez badira. 
• Urolako Komunikazio Taldea Koop. Elkarteak zozketa bertan behera uzteko, eteteko eta aldatzeko eskumena izango du justifikatua den kasuetan edota zozketaren izaerarekin bat ez datorren kasuetan. Horrek ez dio inongo erantzukizunik ekarriko Gukari. 
• Urolako Komunikazio Taldea Koop. Elkarteak beretzat gordetzen du lehiaketako epeak luzatzeko, mozteko edo zozketaren moduak aldatzeko eskubidea. 
• Gukak egingo duen zozketaren eskubideak Urolako Komunikazio Taldea Koop. Elkartearenak dira. 

Errioxako Globos Arcoíris enpresarekin elkarlanean.