Juniorrek Olaztin korritu zuten larunbatean 113 kilometroko lasterketa. Ibilbidearen gogortasunari beroa erantsi behar, baina. hala ere. 97 parte hartzaileetatik 81k bukatzea lortu zuten. Amaitu ezinda gelditu zenetako bat Iker Eizagirre izan zen. Azken 10 kilometroetan, ihesaldiaren atzeko multzoan eroso zihoala, matxura izan zuen bizikletan eta pena eta amorru handiz lasterketa utzi behar izan zuen. Taldeko beste hirurek lasterketa bukatu zuten, hiruko ihesaldi baten ondoren. Indartsuenen taldetxoan Beñat Sainz sartu zen eta helmugan zazpigarren tokian zeharkatu zuen marra. Danel Beristain eta Aratz Unanue ondoren ailegatu zen pelotoitxoan heldu ziren: Beristain 28.a izan zen eta Unanue 34.a.
Asteburu honetan Beñat Sainz eta Aratz Unanue Gipuzkoako selekzioarekin Frantzian lehiatuko dira Ronde Des Valles, UCI mailako itzulian parte hartuaz. Bi egunetan hiru etapa izango dituzte: larunbatean 108 kilometroko etapa, igandean goizeko 8:00etan 13 kilometroko erlojuaren aurkakoa, eta arratsaldean 100 kilometroko etapa menditsua. Esperientziak batzen segitzen dute arroarrak eta iraetatarrak.
Kadeteek Tafallako labean korritu zuten igandean. 57 kilometroko ibilbidea zuen lasterketak. Bi igoera gogor eta luze gainditu behar izan zituzten, baina, hala ere, orduko 42 kilometroko abiadan osatu zuten lasterketa. Jurdan Regillaga 30. sailkatu zen eta Lukas Blanko 37. Amets Alberdik ezin izan zuen lana errematatu.
Asteburu honetan, larunbat gauean, Zarauzko Azken Portun kriteriuma dute eta igandean Jurdan Regillagak Ancinen korrituko du.
23 urtez azpikoak
Aitor Agirrek eta Mattin Salegik hiru egunetan jarraian izan dituzte lasterketak: Muxikan, Sopelan, Oiartzunen. Aitor Agirrek 6., 24. eta 14. postuetan amaitu ditu, baina lasterketa borobilak osatuta; hiru lasterketan une oro onenekin ibili da Agirre. Aurten maila honetako onenetakoa denez, aurkariek ere ederki zaindu eta soka motzean lotzen dute zumaiarra.
Mattin Salegik, berriz, Sopelan erorikoa izan zuen eta ondorioz ezin izan zuen borobildu bere helburua, hiru lasterketak amaitzearena.