Eñaut Urkaregik erakustaldia eman zuen, eta junior mailako Paris-Roubaix prestatzeko lan saio ona egin zuen; Urkaregi une honetan dagoen euskal juniorrik onena da, eta jada Lidl-Trekekin sinatu du datorren denboraldirako. Deba-Elgoibar buelta egin eta Itziar igotzen hastearekin batera jo zuen lehen erasoa; ondoren, zakila bira osatzean jo zuen bigarrena eta hura izan zen balekua. Itziar jaitsi eta Mutrikurako bidean minutu eta erdiko tartea hartu zuen, baina atzean ez zuten amore eman eta lanean jarraitu zuten. Azkenean, Deban 40 segundoko tartearekin irabazi zuen.
Beñat Sainz hirugarren sailkatu zen. Aratz Unanuek eguraldiaren gordina gehiago sufritu zuen, eta 14 . sailkatu zen. Lukas Blanco, Olatz Etxabe eta Iker Eizagirre ere lasterketa amaitzeko gauza izan ziren.
Igandean, berriz, Lizarran ibilbide gorabeheratsuan neurtu zituzten indarrak txirrindulariek. Aratz Unanuek lasterketa itzela egin zuen, azkenean 14. aailkatuz, Beñat Sainzek ez zuen bezperako pedal kolpea izan igoeretan, baina sufrituz lehen taldeari eutsi zion, eta 20. Sailkatu zen. Beste taldekideetatik, Jon Berasategik bakarrik lortu zuen helmugako pankarta zeharkatzea. Lasterketaren gogortasunaren adibidea da abiatu ziren 151 txirrindularietatik 80 bakarrik lortu zutela amaitzea.
Kadeteek Arroa Behean izan zuten lasterketa, non Presaldetik Tolareko gainera erabaki zen karrera. 22 txirrindulari gelditu ziren buruan, eta horietatik Viveros San Anton-Exclusivas Mardu-Gorka Aseguruak taldetik bi: Unai Egaña eta Borja Osa. Unai 14.a izan zen helmugan eta Borja 19.a Amets Alberdik ere, bere egoskortasunean, lasterketa bukatu zuen.
Asteburu honetan kadeteek eta jubenilek Amorebietan izango dituzte lasterketak, baita 23urtez azpikoek ere.
Aitor Agirre eta Mattin Salegi Amorebietan izango dira. Aurreko asteburuan Markinan eta Gorlan izan zituzten hitzorduak. Markinan, oso ondo zihoala, eroriko batek 13 kilometroren faltan lasterketaren lehuatik kanpo utzi zuen Agirre. Gorlan, berriz, eguneko ihesaldian sartu eta emaitzarik ez lortu arren, karrera handi bat eginda etxeratu zen. Mattin Salegik Markinan 58. bukatu zuen, eta Gorlan 96. Mattinek talde lana beste behin bikain bete zuen.
Harrobikoek ezohiko asteburua izan zuten Oiartzunen, BTTko Gipuzkoako Txapelketak jokatuz. Amaia Agirrek infantiletan brontzezko domina lortu zuen.