Kandelario egunean goiz ederra igaro zuten Bertso Eskolako kideek. Koplari aritu dira Irati Arakistain, Joar Garate eta eskolako gaztetxoak, trikitilarien laguntzarekin. Usadioari eusteko, Sarrondobekoa, Sarrondogoikoa, Endañeta, San Martin, Agirreazpikoa eta Santa Klara bisitatu zituzten. Erribera kalean egin zuten azken saioa, bazkalaurretik.
Oikian ere talde eder bat ibili baserriz baserri kantari, eta mahaiaren bueltan egin zuten azken saioa eguerdian, pintxoz sabela goxatuta amaitzeko.