Santelmoei hasiera emateko bertso saioa antolatu du beste urte batez Zumaiako bertso eskolak. Zumaiena aretoan izango da saioa, apirilaren 10ean, 22:00etan, eta txapeldunez jositako seikotea etorriko da Zumaiara: Andoni Egaña, Maialen Lujanbio, Onintza Enbeita, Maddi Ane Txoperena (Xilabako txapelduna), Aitor Etxeberriazarraga (Bizkaiko txapelduna) eta Xabat Illarregi (Nafarroako txapelduna). Gaiak jartzen Jon Maia arituko da aurten ere.
Sarreren prezioa ez da aldatu azken 20 urteetan, baina aurten 10 eurora igotzea erabaki dute antolatzaileek, gastuek gora egin dutelako.