_20230315_180901.jpg){kind=link}
Sitsek jan ez ditzaten arropetan jartzen diren bolei esaten diegu Zumaian eta inguruan “sitsa-bolak”. Txiliku idazle zarauztarrak bere Antigoaleko Hiztegian kontatzen duenez, “Garai batean kanforra puztarri edo bola txikietan saltzen zenez, ohizkoa da bola horiei sits-bola edo sitsa-bola deitzea”. Sitsa den zer ere ederki azaltzen du Txilikuk: “Gaueko tximeleta txikia, zurixka edo arrea, beldar egoeran dagoenean, batez ere, oihala eta larrukiak jaten dituena; tximeleta horren beldarra (Tineola bisselliella)”.
Peio Jimenezek kontatu digu amari ikasitako hitza dela, Agirregoikoa baserrikoa zuela: Anttoni Olaizola.
Eibarren ere erabiltzen da, eta hemen adibide bat: Sits-bola barrixak ipiñi dittugu erroperuan, eta hau alkanfor usaiña!
Bergarako adibideak dira beste hauek: Traje poltsikoak sits-bolaz beteta dare. / Sisbola usaiña dago.
Arratia aldean ere ezaguna da: Gure etxeko armario guztietan ifinita daukaguz sits-bolak.