Abuztuaren 7tik 10era bitartean egin zuten Poloniako Katowice hirian aurtengo Wikimania topaketa. Bertan, ezaguera librean aritzen diren lagun ugari bildu ziren gaiak eztabaidatzeko, proiektu berriak azaltzeko, sareak sortzeko eta ideiak elkarbanatzeko.
Txikipediak ere bere espazioa izan zuen Poloniako jardunaldietan. Hala, Zumaiako Herri Eskolako ikasle eta irakasleek osatutako komunitateak Txikipediarako egindako lanen berri eman zuten. Txikipedian nabigatuz proiektua izan zen erakutsitako bat. Nazioarteko entzuleen artean oso harrera ona izan zuela azaldu dute bertan egon zirenek.