2025. urtean zehar lurraldeko kirolariek lortutako emaitzak eta egindako lana saritu zituen iazko urte amaieran Gipuzkoako Kirol Prentsaren elkarteak, pasa den astelehenean Donostian, Anoeta estadioan, egindako 36. Gipuzkoako Kirol Galan. Kirol kazetarien omenaldia jaso zutenen artean bi zumaiar izan ziren, Janire Gonzalez-Etxabarri surflaria eta Irati Osa piraguistak.
Lehenak Munduko surf txapelketa irabazi zuen El Salvadorren pasa den irailean. Denboraldian zehar lortutako garaipen garrantzitsuena izan zen hura kirolari zumaiarrarentzako. Osak, bere aldetik, aurreko urteetako bide onari jarraitu zion iaz ere, eta lortutako emaitzen artean Europako txapelketan lortutako hirugarren postua eta Mundukoan erdietsitako seigarrena aipa daitezke.