Bigarren mailako xake jokalariak Donostian zuten jardunaldia; Gros L taldeko jokalariak izango zituzten aurrez aurre. Multzoko lehen bi taldeak neurtuko ziren zazpigarren jardunaldian, eta zumaiarrak nagusi izan ziren 1-3 emaitzarekin. Fermin Laurobak, Xabier Aranzabalek, Oier Sarasketak eta Iñaki Arrietak jokatu zuten Kbiren izenean.
Zazpi jardunaldi jokatuta, sailkapeneko buruan bukatu du ligako lehen fasea, eta orain igoera faseari ekingo dio. Tamarindo B taldea hartuko dute datorren asteburuan.
Hirugarren mailako taldeak, berriz, 1-3 emaitzarekin galdu zuen Taula taldearen aurka. Kepa Aizpuruak, Oscar Aizpuruak, Aitor Aizpuruak eta Ibon Ruizek jokatu zuten Kbi klubaren izenean. Datorren asteburuan Bidasoa Fiantxeto 2019 E taldearen aurka jokatuko dute.