Fermin Laurobak, Xabier Aranzabalek, Oier Sarasketak eta Iñaki Arrietak jokatu zuten Kbiren aldetik. Aranzabalek lortu zuen garaipen bakarra; Laurobak eta Sarasketak berdindu egin zituzten beraien partidak; eta Arrietak galdu egin zuen berea.
Kbik dago sailkapenaren buruan 13 punturekin; Bidasoa Fiantxeko A eta B daude bigarren eta hirugarren postuetan, 12,5 eta 8,5 punturekin, hurrenez hurren. Bigarren postuan dagoen taldea izango dute aurkari zumaiarrek igoera faseko bigarren jardunaldian.
Hirugarren mailan dagoen Kbiren B taldeak garaipena erdietsi zuen Bidasoa Fiantxeko E taldearen aurka; 1-3 emaitzarekin nagusitu ziren. Aitor Sarasketak, Ekain Garciak, Oscar Aizpuruak eta Endika Ruizek jokatu zuten jardunaldi honetan. Sailkapenean laugarren da Kbi B taldea, 16,5 punturekin. Datorren asteburuan lider den Eibar hartuko du etxean.