Larraina euskara taldeak antolatutako Euskara, bestela ez gara zikloko azken hitzordua izango da apirilaren 9an, 19:00etan, Aita Mari zinema aretoan. Laburbira zirkuituko lanak ikusteko aukera izango da.
Askotariko 8 lan ikusteko aukera izango dugu, guztiak ere egungo euskal zinemagintzaren lagin apartak eta horietako batzuk Europa osoko zinema-festibaletan ibilbide arrakastatsua egindakoak. Hona hemen izenburuak eta egileak:
- Prosopagnosia (Ekain Martinez de Lizardui).
- Plazer Bat (Sonia Estevez).
- Betiko Gaua (Eneko Sagardoi).
- Europa (Ekain Irigoien).
- Pentsatzen dut (Alaia Martin, Karmele Mitxelena eta Iraitz Mateo).
- Hor Konpon (Jone Arriola).
- Goodbay Kepler (Nerea Ayala).
- Utlandsk (Alba Lozano).
Filmak ikusi ondoren, solasaldia izango dugu Alba Lozanorekin, Utlandsk film laburraren zuzendariarekin.
Apirilaren 9an, 19:00etan, Aita Mari zineman.