Garikoitz Goikoetxea euskara teknikariak euskararen orainaz eta etorkizunaz mintzatuko da asteazkenean Oxford aretoan, eta Euskara, bestela ez gara zikloaren baitako hirugarren hitzaldia iragartzeko spota kaleratu du Larraina euskara elkarteak. 18:30ean hasiko da saioa.
Iñaki Iurrebasorekin idatzi berri duen Esnatu ala hil liburuaren bueltan hitz egingo du Goikoetxeak, eta euskararen biziberritzearen inguruko diagnostikoa plazaratzeaz gain, etorkizunerako zenbait gako aletuko ditu.
Goikoetxearena izango da Euskara, bestela ez gara zikloaren azken hitzaldia. Hala ere, iaz bezala, Laburbira euskarazko film laburren zirkuitu ibiltariak itxiko du euskararen inguruan hausnartzea helburu duen Larrainaren egitasmoa. Martxoaren 18an zazpi film labur eskainiko dituzte Aita Mari aretoan, 19:00etan.