Reparazek artea eta euskararekiko maitasuna uztartu ditu bere abesti eta bideoklipean, eta gure ikastolako haur txikiek, hezitzaileak bidelagun hartuta, beren mundura ekarri dituzte bideoan adierazitako irudiak, sinboloak…
Haien keinu txikiekin, lehen hitzekin eta ilusio handiarekin gogorarazi digute adierazteko eta sortzeko gaitasuna oso txikitatik sortzen dela, eta maitasunez, pazientziaz eta laguntzaz lantzen denean… loratzen dela.
Proiektu honek, gainera, hezitzaileen lanaren, ilusioaren eta konpromisoaren isla ere bada. Haien pazientziari, ahaleginari eta eguneroko dedikazioari esker posible izan da hau guztia.
Izan ere, ahots txikienek ere gauza handiak transmititzeko gaitasuna dute.