Down Sindromearen Munduko Eguna da gaur, baina larunbata denez, Zumaiena ikastolako ekintza nagusiak joan den asteazkenean, martxoaren 18an, egin zituzten.
Ikasle eta familia ugarik bat egin zuten galtzerdi desparekatu eta koloretsuak janzteko proposamenarekin. Galtzerdi horiek, beren formagatik kromosomak irudikatzeaz gain, guztiok desberdinak garela eta aniztasun hori aberasgarria dela gogorarazteko ikur bihurtu ziren.
Aurten, ospakizunak mezu indartsua izan du: "Elkarrekin bakardadearen aurka". Ekimenaren bidez, Down sindromea duten pertsonen eta haien familien inklusio errealaren garrantzia azpimarratu zuten, komunitatearen parte sentitzearen premia nabarmenduz.
Jarrai dezagun herri inklusiboago baten alde lanean!