Eskola kiroleko Gipuzkoako pilota txapelketako finalak jokatuko dituzte gaur arratsaldez, 18:00etatik aurrera, Zumaiako Aitzuri frontoian. Paletako modalitatean jokatuko dute, melle-pelle pilotekin.
Bi izango dira gaurkoan jokatuko diren norgehiagokak. Melle-pelle horiarekin Eple eta Zumaia 2 neurtuko dira; melle-pelle txikiarekin, berriz, Zumaia eta Bidania-Goiatz.
Lehen partidan arituko diren Zumaiako Kirol Elkarteko pilotariak Martín Agirrezabala Garcia, Markel Gallego Samaniego eta Beñat Argoitia Kristobal izango dira; bigarrenean, berriz, honako pilotariek hartuko dute parte: Luken Osanbela Makazaga, Oier Alkorta Egurza eta Aimar Rodríguez Zubizarreta.