Gipuzkoako eskolarteko paleta txapelketa jokatu zuten Zumaiako Kirol Elkarteko kimuen mailako pilotariek, melle-pelle motako pilotarekin. Partidak ostiral arratsaldean jokatu zituzten Aitzuri frontoian.
Melle-pelle horiarekin jokatutako partidan, Errenteriako Eple elkartea izan zuten zumaiarrek aurkari, eta bisitariak izan ziren irabazle 2 eta 1 emaitzarekin. Zumaiarren aldetik, Martin Agirrezabala Garciak, Markel Gallego Samaniegok eta Beñat Argoitia Kristobalek jokatu zuten.
Ondoren, Zumaia eta Bidania Goiatzen arteko norgehiagoka jokatu zen, melle-pelle txikiarekin. Aurreko partidan bezala, hemen ere bisitariek irabazi zuten, 1 eta 2 emaitzarekin. Luken Osanbela Makazaga, Oier Alkorta Egurza eta Aimar Rodriguez Zubizarreta aritu ziren Zumaiaren izenean.