Kirol jarduera ugari izango da asteburu honetan Aitzuri pilotalekuan. Gaur arratsaldean hasi eta igande eguerdira bitartean pilota partidak eta topaketak hartuko ditu Zumaiako frontoi luzean.
Gaur, 19:15ean hasi, Gipuzkoako txapelketako partidak jokatuko dituzte Aitzurin, kasu honetan, emakumeen partidak zesta punta modalitatean.
Bihar ere zesta punta izango da protagonista. Goizeko 9:00etan eskola kiroleko jarduerak izango dira. Arratsaldean, berriz, 16:00etan hasita, benjamin mailako topaketa izango da. Topaketak abenduaren 15ean errepikatuko dituzte Aitzurin, baina kasu hartan kimu kategoriako puntistekin.
Amaitzeko, etzi, igandean, eguerdiko 12:00etan hasita, paleta larruzko partida jokatuko dute Zumaia 1ek eta Zumaia 2k.