Pilota partidaz beteta dator asteburua Zumaian. Bihar hasi eta igandera bitartean zortzi partida jokatuko dituzte Zumaiako pilotariek herriko Aitzuri frontoian. Horiei etxetik kanpo jokatuko dituztenak gehituko zaizkie.
Ostiralean, zesta puntako hiru partida jokatuko dira, 19:15ean hasita. Infantil mailan, Zumaiak eta Danok Bat 1 taldeek jokatuko dute. Jarraian, kadete mailako bi norgehiagoka izango dira: Zumaia B-k Danok Bat B-ren aurka jokatuko du, eta Zumaia A-k Danok Bat A-ren aurka.
Larunbatean, 16:00etan, kimuen mailako paleta partidak izango dira: Zumaia 1-ek Oiartzun 2-ren aurka jokatuko du, Zumaia 3-k Zumaia 2-ren aurka eta Ilunpe 2-k Oiangu 2-ren aurka. Ondoren, nagusien mailako zesta punta partida jokatuko dute Zumaiak eta Berriozar A-k.
Igandean, berriz, 11:00etan hasita, Udaberri txapelketako paletako partida jokatuko dute Zumaiak eta Altzatarrak klubetako infantil mailako pilotariek.