Eskola kirolakeko Gipuzkoako txapelketako finala jokatu zuten pasa den larunbatean Ordizian, paletako modalitatean. Taldeka jokatu dute txapelketa, eta lurraldeko klubetako pilotariak nahastuta aritu dira bi talde desberdinetan banatuta. Hala, ohiko lagunekin bikoteak osatu beharrean, beste herrietako pilotariekin osatu dituzte bikoteak.
Zumaiako lau pilotari heldu dira aurtengo finaletara, eta talde bakoitzean herriko bi palista izan dira. Gipuzkoa 3 taldean Mendoza eta Lopez, eta Gipuzkoa 5 taldean Fernandez-Arroiabe eta Tejera. Larunbat goizean jokatutako finalean Gipuzkoa 3 nagusitu zitzaion Gipuzkoa 5-i, 28 eta 40 emaitzarekin.