Eskola Kiroletako Gipuzkoako Txapelketako finalak jokatu zituzten pasa den larunbatean Ordiziko Beti-Alai pilotalekuan. Lau norgehiagoka izan ziren, eta haietatik bitan Zumaiako Kirol Elkarteko ordezkaritza izan zen. Lehiatu bakarrik ez, garaipenak ere lortu zituzten Zumaiako pilotari gazteek.
Alebinetan, molle pelle pilota txikiarekin, Ekain Fernandez de Arroiabek eta Inar Alkortak, 25 eta 9 emaitzarekin irabazi zioten Ilunpe klubeko pilotariek. Infantil mailan, berriz, Oier Alkortak eta Luken Osanbelak, 30 eta 14 emaitzarekin gailendu ziren Oianguren aurkako finalean.