Bultza euskaltegiak! Bultza euskara! ekitaldia martxoaren 28an, eguerdiko 12:00etan Beheko Plazan

Nolanahi ere, plazan kontatuko duguna azaldu nahi dizuegu, hitz gutxitan bada ere. Jakingo duzuen bezala, Bultza euskaltegiak! Bultza euskara! izeneko dinamika jarri du AEK-k abian euskalduntze mugimenduaren garrantzia plazaratzeko. Izan ere, Euskal herriko herritarren %55 erdalduna da eta, berdintasunean oinarritutako jendartea amets baduu, argi dago herritar helduen euskalduntzea beharrezkoa dugula; guztion eskubideak bermatzeko zubia baita.

Horretarako, besteak beste, izaten da bi urtean behin antolatu ohi dugun Korrika: euskalduntze bidera animatzeko, euskal kultura sustatzeko... Dena den, aurtengoak Korrika urtea izan behar bazuen ere, ez da ezagutu izan dugun bezalakoa izango; ondorioz, euskalgintzak galera handia izango du, baita ekonomikoa ere. Horregatik, eragileen eta hiru administrazioen bultzada lortu asmoz, sortu da Bultza euskaltegiak! Bultza euskara! ekimena.

Ulertuko duzuelakoan eta hurrengoan( egoera hau pasatzean) guztiak elkartuko garelakoan.

Bultza euskaltegiak! Bultza euskara!
                                                                                                                                                                Zumaiako AEK euskaltegia