Asko dira gure herriak etxeko nahiz kanpokoei eskaintzeko dituenak eta horren berri ematea garrantzitsua da udalarentzat, Zumaia balioan jartzeko ez ezik, gure herriko ekonomia jarduerari ere bultzada emateko. Azken urteotan, gainera, ikus-entzunezko euskarriek garrantzia berezia hartu dute, horiek baitira gure egunerokotasunean mugikorrarekin gehien ikusi eta partekatzen ditugun edukiak. Hori dela eta, udalak bideo bat egin eta argitaratu berri du. Udalaren asmoa da, aurrerantzean bideo gehiago egitea, Zumaiak arlo desberdinetan eskaintzeko dituenak ezagutzera emateko.