Batetik, Josune Sasian zumaiarra eta, bestetik, Andoni Garikano tolosarra aritu dira euren bizipenak eta gogoetak mahai gainean jartzen. Kontakizun horien guztiak lotzen eta josten Bernardo Atxaga idazlea aritu da, aiton-amonen hitzei xehetasunak gehituz eta istorioak ulerterrazago eginez ikasleei. Bestalde, adierazpen artistikoa egiten duten ikasleen hainbat koadro ere egon da ikusgai aretoan. Izan ere, ikasgai honetan Gernika koadroaren interpretazio berrituak eta pertsonalak egin dituzte ikusleek, eta gaurko saioan behin baino gehiagotan izan da aipagai Gernikako bonbardaketa.
Gaur goizean, memoria historikoaren lanketa borobiltzeko ekitaldi berezia izan dugu Zumaiako Herri eskolan. Azken asteotan DBH4 eta Batxi1 mailetako ikasleekin 36ko Gerra eta bere ondorioak lantzen aritu gara. Horretarako Aranzadi Zientzia Elkarteak saio didaktikoak prestatu eta bideratu ditu ikasleekin. Gaurko ekitaldian, berriz, 36ko Gerraren ondorioak zuzen-zuzenean sufritu zituzten bi lagunen testigantza entzuteko aukera izan dute ikasleek, areto nagusian.
Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide