Tabakalerak Eskola aldiriak deialdia urtero ateratzen du eskolako, auzoko edo hiriko esparruetan artegintza eta hezkuntza proiektu bat lankidetzan burutzeko. Lan egiteko prozedurak berraztertzeko eta ibilbide luzeko ikasketa prozesuak abiarazteko aukera eskaini nahi du, hezkuntza komunitatearekiko aliantzak sendotzeko ahaleginean.
2020/2021 ikasturtean parte hartuko duten zentroak:
- Landaberri Ikastola (Lasarte-Oria)
- Harri Berri-Oleta Ikastetxea (Donostia)
- Zumaiako Herri Eskola (Zumaia)
- Intxaurrondo Ikastola (Donostia)
- POOK Elkartea (Arrasate) + Kurtzebarri Eskola (Aretxabaleta)
https://www.tabakalera.eu/eu/eskola-aldiriak
PROIEKTUAREN HELBURUAK
Helburu nagusia eskolan ematen diren harremanak hobetzea litzateke, osasuntsuagoak, libreagoak eta banaketak hautsiko dituena bai genero, adin edo izaera aldetik.Kontutan hartuta eskolako jolastokia dela gehienetan liskarren, bazterkerien eta gatazken sorlekua, gune honi eman nahi diogu lehentasuna.
Beste helburu batzuk honako hauek izango lirateke:
- Jolasa eta sormena garatzen laguntzeko harreman-espazio natural, hezitzaile eta segurua eskaintzea. Aniztasunean, berdintasunean eta ingurumenaren errespetuan oinarrituko dena.
- Patioa hezkuntza-gune bihurtzea.
- Patioaren erabilpena aberastea.
- Eskolako edota Ikas-Komunitatearen parte hartzea handitzea.
- Eskola Publikoa garen heinean, herri edota auzoan jolaserako espazio berriak sortzea.