Kantu horiek, behin moldatu eta gero, Zarautzen, Mikel Kazalisen estudioan, grabatu ditugu, eta CD formatuan argitaratuko ditugu. Grabaketarako, ikasgaia landu duten ikasleek jotzen dituzten tresnez gain, beste tresna-jotzaile batzuen beharra izan dugu, eta horretarako, gure ikasle eta ikasle ohien laguntza izan dugu. Denen artean, talde bikaina osatu dute bene-benetan.
Taldeari izena jarri behar izaten diote, eta aurtengoan Merescut izan da aukeratu dutena (merezitakoa esan nahi du, katalunieraz)
Alderdi musikalaz gain, diskoaren lanketan bestelako laguntzak jaso ditugu. Azala, adierazpen artistikoa gaia lantzen duten 4. DBHko ikasleen ardura izan da. Maketazioa, berriz, ZIG gelako ikasleen esku egon da.
Oraindik ez dugu diskoa jaso, azken nahasketak falta baitira, baina esan dezakegu oso gustura geratu garela grabaketarekin.
Behin diskoa jaso orduko, salgai jartzeko asmoa daukagu, eta bertan lortutako irabaziak Sahararen alde lanean diharduen Darahli elkarteari helaraziko dizkiogu. Jakinaraziko dugu non eskuratu ahal izango den ale bat.