Urte pare bat daramatzagu, administrazio desberdinen baimenarekin, pausalekuak jartzen eta berritzen Santiagoko paduran eta Beduako irlen inguruan. Garbi dago gero eta presio gehiago jasaten dituztela hegaztiek Zumaiara etortzen direnenan, eta hegazti paregabe hauek bakea behar dute. Horretarako, Beduako irlen ingurua oso aberatsa da haientzako.
Koartza espezie askok pasatzen dute negua Beduako irletan. Migratzen ari direnean, elikatzeko eta atseden hartzeko erabiltzen dute eremu hori.
Horiez gain, urtero arrano arrantzaleak ikusteko aukera izaten dugu Urolako itsasaderrean. Bi urtez jarraian, Orleanseko (Frantzia) gaztetxo bat izan genuen Beduan. Oraingoan, berriz, esan dezakegu egun gutxitan arrano arrantzaleen hiru ale batera izan ditugula bertan, bi gazte eta heldu bat. Gazte horietako bat eraztunakin zegoen, eta orain arte dakigunez, behintzat, oso urrutitik etorri da, Norvegiako hiriburu den Oslotik, hain zuzen.
Hori guztia dela eta, naturzaleok uste dugu ezinbestekoa dela ingurune hori arautzea, itsasadarrean hegaztientzako babeslekuak sortuz, eta Santigon padurako zein Beduako zuhaitz hilak dauden eremuko guneak errespetatuz. Hau da, nabigatzeko erabil dezagun Basustara ematen duen errioko kanala, eta naturari utzi diezaiogun Artadi azpikoa.
Etorkizunean hegazki paregabe horiek paudiran elikatzen ikustea denon lana da.