Urtero bezala, Realak Reale Arenan jokatuko dituen partidak ikustera joateko autobus zerbitzua antolatuko du Algorri taldeak. Denboraldi osorako txartela eskuratu edo informazio gehiago nahi dutenek, algorritaldea@gmail.com helbidera mezua idatzi beharko dute uztailak 12a baino lehen.
Txartela eskuratuta, denboraldiko partidu guztietarako eskubidea izango da, urte osoko kuota ordainduz gero. Kuotaren zenbatekoa epea ixtean zehaztuko da. Autobusean lekua izanez gero, partida bakarrerako txartelak ere erosi ahal izango dira.