Aste Santuan Tindoufeko errefuxiatuen kanpalekuetara egingo den bidaiara Maria eta Jose Ikastetxeko eta Zumaiako Herri Eskolako DBH-4ko 65 haur joango dira. Aurretik, janari bilketa kanpaina hasi dute ikasleek, eta ikastetxeetakoa gaur amaitu arren, bihar, herriko bost supermerkatuetan janaria uzteko aukera izango da.
Atun eta sardina latak, azukrea, konpresak, lekaleak, pasta, dilistak, arroza eta kadukatu gabeko sendagaiak jasoko dira. Bihar, goizez eta arratsaldez, Eroskiren hiru supermerkatuetan, BMn eta DIAn jasoko dira produktu hauek. Gero, behin pisatu ondoren, kamioi baten bidez eramango dira kaxak Donostiara eta, aste batzuk barru, Euskal Karabanaren bidez bideratuko dira errefuxiatuen kanpalekuetara.
