Zumaiako gazteok gure jarduna aurrera eramateko guk geuk kudeatutako espazio bat dugula 10 urte dira, eta data berezi hori ospatzeko egun osoko egitaraua prestatu dugu, larunbat honetarako. 12:00etan hasiko dugu eguna, 10. urteurrena ospatzeko brindisarekin. 14:30ean bazkaria izango dugu gaztetxean bertan. Inpernupe eta Metro tabernetan daude salgai bazkarirako txartelak.
Arratsaldean, trikitilarien laguntzaz gazte mugimenduarentzat urte hauetan guztietan garrantzitsuak izango diren lekuetatik pasako gara, eta herriko bertsolariak kantuan ariko zaizkigu leku horietako bakoitzean.
Gaztetxean borobilduko dugu eguna. Breaking Brokkoli, Hortzaka eta Krustaceos taldeen kontzertuak eta DJ Eme bikotearen saioa izango ditugu. Jai giro paregabia izango dugu! Ez gelditu gora begira eta etorri gaztetxera!