Elgoibartik Karakatera igoko gara, eta handik Hirukurutzetara bitartean, hainbat tontor eta historiaurreko ondare ugari aurkituko dugu bidean. Aipatzekoa da, bere 3,5 metroko altuerarekin, Arribiribilletako menhirra. Urteetan, mugarri bat zela pentsatu izan zan, Barandiaranek 1920an bere balioa argitu zuen arte.
Goiz-buelta honetako ibilbideak 14 kilometro eta 890 metroko desnibel metatua ditu. Bertara gurekin etortzeko, izena eman dezakezue gure webgunean edo goiko estankoan (943-86 03 57). Autobusa Patxita Etxezarretako geltokitik aterako da, eta bere prezioa helduentzat 7 eurokoa eta umeentzat 5 eurokoa izango da. Gogoratu, baita ere, Indamendik antolatzen dituen irteeratara edonor joan daitekeela, nahiz eta bazkide ez izan.