Ordu aldaketarekin, gure irteerak egun osorakoak izatera pasako dira, eta lehenengoa datorren igandean, apirilaren 6an izango da. Zehazki, Andia mendilerrora joango gara. Lezaun herritik hasita, Mugaga (1.219 m), Iturgoiengo (1.224 m), Artxurieta (1.228 m) eta Malkaxko (1.238 m) tontorrak igoko ditugu, Lizarragako mendatean amaituz.
Egun osoko itzuli honek 16 kilometro inguru ditu, 690 metroko desnibel positiboa eta 460 metroko desnibel negatiboa. Beraz, janaria soinean eramatea gomendatzen da.
Autobusa goizeko 07:30ean aterako da Patxita Etxezarreta kaletik (Kantauri Plazako geralekutik). Autobusaren prezioa 10 euro da bazkide helduentzat, 13 euro bazkide ez diren helduentzat eta 5 euro haurrentzat (18 urtetik beherakoak).
Animatu eta eman izena Indamendiren webgunean ostiral eguerdia baino lehen.