Ugaldetxo jatetxearen (Hernani) eta Barrengoloiaren (Orereta) arteko ibilbidea egingo du Indamendik datorren larunbatean, hilaren 22an. Tartean, Urdaburuko tontorra (599 metro) igoko dute. Goiz bueltako irteera izango da, eta guztira, 8 kilometroko ibilbidea osatuko dute, 530 metroko desnibel positiboa eta 380 metroko desniblel negatiboarekin. Hamaiketakoa eramatea gomendatu dute antolatzaileek.
Autobusa 08:00etan aterako da Patxita Etxezarreta kaletik (Kantauri plazako geralekutik). Arroan eta Zarautzen autobusa geratzeko aukera dago, beti ere, aurrez abisatuz gero indamendi1@gmail.com-era. Aldatzeko oinetakoak eramatea gomendatzen da, autobusa hainbeste ez zikintzeko.
Webgune bertatik eman daiteke izena, osteguneko 17:00ak baino lehen. Autobusa doan da, Zumaiako Udalaren laguntzari esker.