Inpernupe tabernako barran makina bat patata-tortilla egin eta jan izan da, horietako asko Lierni Linazisoro zenak eginak, eta haren ohorez egingo dugu txapelketa.
Datorren larunbatean, ekainaren 27an, izango da, aurten bigarren aldiz. Eguerdiko 12:00etan hasiko dira sukaldariak lanean, eta parte-hartzaileen kopuruaren arabera, Kofradia eta Saregile plaza artean egingo da.
Zapatuko saioan parte hartu nahiko dutenek aurrez izena eman beharko dute Inpernupe tabernan edo elkarteak Instagramen duen @inpernupe.elkartea kontuan. Izena emateko epea etzi, ostegunean, itxiko dute.