Itxas Gain piraguismo klubak ate irekien bi jardunaldi antolatu ditu aste honetarako. Bihar eta etzi egingo dute, arratsalde partean, 17:00etatik aurrera, klubak Itsas kiroldegian duen lokalean. Deialdi hau denboraldi berrian Zumaiako piraguismo klubean aritu nahiko duten gaztetxoei zuzenduta dago.
9 eta 13 urte bitarteko (2012. eta 2013. urtean jaiotakoak barne) eta urte osoan piraguismoan aritu nahiko duten haurrei zuzendutako deialdia da honakoa. Ez dute aurrez izena eman beharrik izango; nahikoa izango dute aipatutako orduan Itsas kiroldegira hurreratzea.