Zabalik dago Itxas Gain piraguismoko klubean izena emateko epea. 8 urtetik gorako haurrek eta gazteek izango dute Zumaiako taldean aritzeko aukera.
Irailaren 29an hasita, astearteetan, asteazkenetan eta ostiraletan izango dira entrenamenduak, 16:45etik 18:00etara. Entrenamenduek aukera emango dute piraguismoan hasteko, ikasten jarraitzeko, teknika hobetzeko nahiz lehiaketetarako trebatzeko.
Itxas Gain taldean izena eman nahi dutenek nahiz informazioa eskuratu nahi dutenek itxasgainuda@gmail.com helbidera idatz dezakete.