2023an estreinatu zen The Old Oak filma, eta gaurkotasun handia izaten jarraitzen du. Besteak beste, honako gaiak lantzen dira pelikulan, eztabaidarako eta hausnarketarako interesgarriak direnak: erreakzioaren gorakada, arrazakeriaren normalizazioa, industriaren gainbehera, etxebizitzaren prezioa, gerra inperialistatik ihes egiten duten errefuxiatuak eta klase-batasuna erdiestearen garrantzia.
Gaurko filma eta uztailaren 28an proiektatuko den No Other Land dokumentala jatorrizko bertsioan emango dira. Aurreko zikloetan bezala, honetan ere apustua egin dugu pelikulak euskaraz azpititulatuak izan daitezela, hizkuntzak pantailen auzian duen garrantzia dela eta.