Liburutegiak paper garrantzitsua betetzen du Etxape Zentro Sozialistan, formakuntzarako eta heziketa politikorako espazio ere bihurtzen duelako. Pixkanaka-pixkanaka joan gara liburutegiari forma ematen hainbat zumaiarren dohaintzekin, eta orain momentuan 600 aldizkari eta liburu inguru ditugu, mota ugaritakoak: saiakera, eleberriak, haur eta nerabeentzako liburuak, biografiak, langile antolakundeen kongresuetako ebazpenak, etab.
Biharko bilketan, zehazki, honakoak jasoko dira:
- Eleberriak euskaraz.
- Poesia liburuak euskaraz.
- Haur eta nerabeentzako liburuak euskaraz.
- Historia, filosofia, soziologia, ekonomia, antropologia eta politika arloetako liburuak.
- Zumaiarekin erlazionatutako liburuak eta/edo zumaiarrek idatzitakoak.
- Langile mugimenduaren eta antolakunde politikoen aldizkari, egunkari eta dokumentu zaharrak.
Egin zure ekarpena!